Travaux en Chtimi

Travaux en Chtimi

 

Les personnages : L'Ingénieur, el ler Poron, el 2e Porion, el mineur Cafougnette,  el Mait'Bout'feu,

 

Maît' Bout'feu  

 

L'vez - vous tertouss, mes comarates, v'la M'sieu l'Ingénieur.

 

L'Ingénieur  

(traversant el local d'el porte à sin bureau)

 

Vous pouvez vous rassir, mes comarates, in va c'mincher l'ouvrache! Comarade deuxième Porion queul est le ler ouvrache d'un Porion à l'ouverture d'el cage?  

 

2ème Porion  

(au milieu d'el  rangée ed droite en intrant)

 

M'sieu l'Ingénieur, ch'est d'erwettier si tous les comarates, y ont leu barrette, leu béguin, leur lampe et tous l'zautieux et qué l'port' del cage, elle est bin asseurée.
Comarate, Porion ed'guide, el cage, elle est ti prête à dévaler?

 

Le Porion ed'guide

(Débout à l'porte)  

 

Comarate 2ème Porion, tout y est in ord', in peut y aller.

 

Le 2ème Porion 

 

M'sieu l'Ingénieur, tout y est in' ord, les comarates y ont tous l'zautieux, el cage elle est asseurée...in peut y aller.

 

L'Ingénieur  

 

Comarade, ler Porion, queul est l'2ème ouvrache d'un ler Porion al'fosse?

 

Le ler Porion

(tout d'suite à gauche in rintrant)

 

M'sieu l'Ingénieur, ché d'erwettier si tous les comarates sont galibots, hierscheux ou bin mineurs à leu plache et à leu n'ouvrache.

 

L'Ingénieur

 

Din ch'cas là, ler et 2ème Porions, allez vir chacun de vot'côté, erwettiez vos lampes et dites me si cha va. Ar'levez-vous mescomarates!.

Comarates, avint d'aller au front d'talle ou bin au foudroyache, vous vous f'rez arconnaîte comme galibots au passache des deux Porions.

 

Le 2ème Porion

 

M'sieu l'Ingénieur, tous les comarates qui vont dins l'bowette du septentrion sont galibots à leu plache et leu n'office.

 

Le ler Porion   

 

M'sieu l'Ingénieur, tous les comarates d'el bowette du Septentrion et du Midi sont galibots à leu plache et à leu n'ouvrache.

 

L'Ingénieur

 

Ichi, à l'accrochache, tout y est parel.

L'cage, elle dévale, in arrive à l'accrochache.

Mes comarates, el cage, elle est bin dévalée, l'accrochache y est in sécurité, tous les comarates sont galibots, in peut s'mette à l'ouvrache. Comarate ler Porion, qu'och qu'in d'minde quint in va à l'ouvrache?

 

Le ler Porion

 

El Leumière, M'sieu l'Ingénieur.

 

L'Ingénieur 

 

Queul' Leumière nous éclaire et qui n'oche point d'grisou. Comarates ler et 2ème Porion, faites-me vir vos lampes, si elles sont bin réglées.

Comarate, Mait'Bout'feu, vous buquerez d'sus le daine, chaque fos qui n'dara un qui ara quetquose à dire.

Pusqu'in est chi à l'coïette, qui n'y a personne qui nous surque, in va s'mette à l'ouvrache.

Comarate géomète, ouvrez l'lif del bowette, arringez l'zauthieux, déroulez l'plan d'el fosse.

Vous pouvez vous rassir mes comarates.  

Comarates 2ème Porion, queul ache équ t'as.  

 

Le 2ème Porion 

 

Tros ins, M'sieu l'Ingénieur

 

 L'Ingénieur

 

A t'vir in t'donneros pus q' cha.
Comarates ler Porion, queul heur'qui est ?

 

Le ler Porion 

 

M'sieu l'Ingénieur, je n'saros pas voul'dire, ichi, y n'fait pas clair.  

 

L'Ingénieur

 

Puisqu'il en est ainsi, in va ouvrer au noir. Mes Comarates, l'ord'du jour appelle eine planque du comarate Cafougnette qui dot dév'nir hierscheux à carbon. Mait Bout'feu, va-t'in quer not frère et amène le chi à côté ed mi.

 

(El Mait' Bout'feu amène Cafougnette al gauche ed'l'Ingénieur).  

(Tiote  pause).

 

Comarate Cafougnette, té peux inlever t'barrette, tin béguin et tes mouffes...in t'acoute.

 

Cafougnette

 

Merci M'sieu l'Ingénieur.

M'sieu l'Ingénieur et vous tous mes comarates

J'vas vous parler du briquet et du pain d'alouette.  

 

L'Briquet.

 

Au fond del fosse à l'ouvrache,

Nous, mineurs, v'là not'festin

Deux tartin's plaqué's d'fromache

Et d'bon burr' qui guill' su l'pain.

 

Ch't'un briquet, dins not' langache.

El' roi n'est pas not' cousin

Quand, pou l'mier, in s'met à plache

Sur un caillau comm' coussin.

 

Aussi, quint, au jour, j'y pinse,

J' vous assur' qué si j'os'ros

J'm'in pourléqu'ros cor les dogts!

 

Ah! comarat's, queull'bonn' guinse!

Pour mi, j' cang'ros point m'briquet

Pou tous les plats d'un banquet.

 

Et queq fos je m'régale tellemint

Eq j'in garde un morciau pou m'zinfins

Y minge té cha comme des nonnettes

Y appel té cha l'pain d'alouette.

 

L'Ingénieur

 

Comarate Cafougnette, et 'planque, elle n'est pas longue, mais ch'est vrai qu'au fond del fosse, in n'a foc dix minutes pou minger sin briquet, mais chou qu't'as dit, in sint qu'cha part du coeur.

Comarate Maitre Bout'feu, r'mène Cafougnette à s'plache, in n'discute pas eine planque ed galibot.

Pus qu' ch'est comme cha, l'ouvrache y est terminé et j'donne la parole à ch'ti qui a quet kose à dire.  

 

Le 1er Porion

 

In n'intind rin din l'bowette.

 

L'Ingénieur

 

J'vas faire circuler l'mallette aux désirs et l'mallette à sous.
Mait Bout'feu et vous Mait Géomète faites el tour d'el bowette.

 

(Tiote  pause)  

 

Ya ti des comarates qui veultent erwettier chou qui a dins les mallettes?

 

Le 2ème porion  

 

In n'intind pas eine mouque.  

 

Le ler porion  

 

ed'tous les comarates, y n'd'a pas un qui berle.  

 

L'Ingénieur

 

Y n'da pas un qui moufte, alors tertouss, à l'accrochache, er'montons bin vite au jour in jurant d's'ertrouver l'prochain co...in attindint Cafougnette y va payer un pot.  



15/11/2007
0 Poster un commentaire

A découvrir aussi


Inscrivez-vous au blog

Soyez prévenu par email des prochaines mises à jour

Rejoignez les 61 autres membres